Final 8 Kupa e Kosovës do të mbahet në Gjakovë

16:05 | 11 Janar 2024
D.H

Bordi i Federatës së Basketbollit të Kosovës duke u bazuar në kompetencat nga statuti ka marrë vendim që Final 8 i Kupës së Kosovës të organizohet nga KB Vëllaznimi.

Final 8 i Kupës së Kosovës do të organizohet nga 13 deri më 17 Shkurt në qytetin e Gjakovës, përcjell Arbresh.info.

Në Final 8 do të garojnë tetë skuadrat e elitës së basketbollit, si dhe finalja në konkurrencën e femrave.

Në ditën e Pavarësisë së Kosovës, më 17 shkurt, do të organizohen tri finalet, e Kupës së Ligës së Parë, Femrave dhe Meshkujve.

Në Gjakovë për pesë ditë do të ketë spektakël të basketbollit, me finalet që pritet të jetë të jashtëzakonshme.

Atmosfera në “Shani Nushi” ka qenë fantastike dhe kështu pritet të jetë edhe gjatë Final 8./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm